/sarasvati / सरस्वति

sarasvatI mahA-bhadrA mahA-mAyA vara-pradA |
zrI-pradA padma-nilayA padmAkSI padma-vaktrakA || 1 ||

zivAnujA pustaka-bhRt | jJAna-mudrA ramA parA |
kAma-rUpA mahA-vidyA mahA-pAtaka-nAzinI || 2 ||

mahAzrayA mAlinI ca mahA-bhogA mahA-bhujA |
mahA-bhAgA mahotsAhA divyAGgA sura-vanditA ||3 ||

mahA-kAlI mahApAzA mahAkArA mahAGkuzA |
pItA ca vimalA vizvA vidyun-mAlA ca vaiSNavI ||4 ||

candrikA candra-vadanA candralekha-vibhUSitA |
sAvitrI surasA devI divyAlaGkAra-bhUSitA ||5 ||

vAg-devI vasudA tIvrA mahA-bhadrA mahA-balA |
bhoga-dA bhAratI bhAmA go-vindA gomatI zivA ||6 ||

jaTilA vindhya-vAsA ca vindhyAcala-virAjitA |
caNDikA vaiSNavI brAhmI brahma-jJAnaika-sAdhanA ||7 ||

saudAminI sudhAmUrtis su-bhadrA sura-pUjitA |
su-vAsinI sunAsA ca vi-nidrA padma-locanA ||8 ||

vidyA-rUpA vizAlAkSI brahma-jAyA mahA-phalA |
trayI-mUrtI tri-kAla-jJA tri-guNA zAstra-rUpiNI ||9 ||

zumbhAsura-pramathinI zubha-dA ca svarAtmikA |
rakta-bIja-nihantrI ca cAmuNDA cAmbikA tathA ||10 ||

muNDa-kAyapraharaNA dhUmra-locana-mardanA |
sarva-deva-stutA saumyA surAsura-namaskRtA ||11 ||

kAla-rAtriH kalAdhArA rUpa-saubhAgya-dAyinI |
vAg-devI ca varArohA vArAhI vArijAsanA ||12 ||

citrAmbarA citra-gandhA citra-mAlya-vibhUSitA |
kAntA kAma-pradA vandyA vidyAdhara-supUjitA ||13 ||

zvetAnanA nIla-bhujA catur-varga-phala-pradA |
caturAnana-sAmrAjyA rakta-madhyA niraJjanA ||14 ||

haMsAsanA nIla-jaGghA brahma-viSNu-zivAtmikA |
evaM sarasvatI-devyA nAmnAm aSTottaraM zatam ||15 ||

||iti zrI-sarasvaty-aSTottara-zata-nAma-stotraM sampUrNam||